منتدى عالم أحلى صبايا
أختي الغالية اسمحي لي ان أرحب بك
فكم يسرنا ويسعدنا انضمامك لعائلتنا المتواضعة

التي لطالما ضمها منتدانا الغالي على قلوبنا

وكم يشرفني أن أقدم لك .. أخوتنا وصداقتنا
التي تتسم بالطهر والمشاعر الصادقة
التي تنبع من قلوب مشرفيّ وأعضاء
هذا المنتدى السامي

أهلا بك




 
الرئيسيةالبوابةالتسجيلدخول
كريم الزنجبيل الطبيعي للتنحيف و شد البطن و نحت الجسم لطلب المنتج التواصل عبر واتساب 00201099314973
بحـث
 
 

نتائج البحث
 
Rechercher بحث متقدم
المواضيع الأخيرة

شاطر | 
 

 بداية زواجك...لازم نحط مبادئ وخطة حلوة كدة لينا..صح؟ ادخلى هنا وشاركينى برأيك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبير الزهور
نائبة المديرة
نائبة المديرة
avatar

رقم العضوية : 2
الدولة :
البلد : فى رحاب جنة الرحمن
عدد المساهمات : 8799
تاريخ التسجيل : 05/07/2012
العمر : 27
المزاج : منتظرة ولى العهد

مُساهمةموضوع: بداية زواجك...لازم نحط مبادئ وخطة حلوة كدة لينا..صح؟ ادخلى هنا وشاركينى برأيك   السبت أغسطس 04, 2012 3:17 am


فى مبادىء لازم نتفق عليها :::

1_ مش عيب يكون مصروفي قليل او انى امشى على اد مصروفي العيب انى ابعزء فى مصروفي ومعملش حساب لبكرة او انى استلف لانى خلصت مصروفي بدري بدري


2_ مفيش اى اكل بيترمي كل حاجة فى البيت وليها فايدة

3_ هندور على العروض فين والارخص فين ونجيبة

4_ التخزييييييييييييييييين وهقولكو اية اللى ممكن نخزنة وازاى نخزنة من اكل وغيرة


5 _ مهما كان مصروفك صغير هتحوشي منة كمان
اضغط على الصورة لفتحها بصفحة مستقلة



نبتدي بقى <<

اول حاجة لما نبتدي نشتغل نسمي الله ونشغل سورة البقرة بصوت عالي لان سورة البقرة بتمنع دخول الشيطان البيت لمدة 3 ايام وكدا كدا اسمعيها وانتى شغالة الوقت هيعدي والبيت هيبقى كلة بركة ويبعد الشر عنكو باذن الله

انا بقسم الاسبوع ازاى هقولكو يوم بطبخ فية ودا غالبا بنضف من على الوش كدا خلو بالكو بنطبخ ليومين لان دا بيوفر اكتر من طبخ كل يوم صنف جديد

بكدا تانى يوم هيكون عندي اكل مش هقف فى المطبخ هشتغل بقى فى الشقة افتح الشبابيك واجيب المكنسة والفوطة اللى هلمع بيها وتكون فوطة زفرة يعنى اية زفرة هقولكو اللى عندهم عربية هيعرفو يعني اية دي فوطة بتكون فية شوية جاز صغيرين تلمعي بيها بقى الموبيليا كلها هتلاقيها بتلمع وتبقى زى الفل ومتخفيش لا هتسيب ريحة ولا اثر ولا غلط على الموبيليا خلى باباكي او جوزك يعملك فوطة زفرة علشان تلمعي بيها

وامشى بقى بالمكنسة والفوطة فى الشقة الاوضة اللى تدخليها لمعيها وروقيها واكنسيها واقفليها هتلاقى الموضوع سهل والله وهتلاقى الشقة كلها اتلمعت واتكنست من غير اى تعب ولا اى حاجة وايدك ديما تكون فى الشقة فهتبقى زى الفل ::: خلصتىالاود ادخلى بقى على الحمام علشان نظبطة وننضفة ولة خلطة تخلية بيبرق هقولهالكو ادام شوية كدا مع المنظفات


اليوم بقى اللى هنطبخ فية هنكنس فية بس فمش هنتعب ولو عايزة انزل السوق بيكون فى اليوم اللى هنضف فية علشان يكون الاكل متحضر مهما خدت وقت فى السوق او فى الترتيب ضامنة انى مش هقصر فى الاكل لو جوزي جة بدري



كدا خلصنا جدولنا اليومي واتفقنا يوم للطبخ ويوم للنضافة ...


نبتدي بقى مع المطبخ وازاى نوفر فية :::



ندخل على المطبخ :: وازاى نوفر فية

اول حاجة اتفقنا عليها اننا بنعمل الاكل ليومين علشان مش نهدر فى الوقت والخضار اللى عندنا

مثلا نزلنا السوق لقينا الطماط رخيصة نجيب ونشيل لانها مجنونة يوم فوق ويوم تحت

نخزنها ازاى بقى فى كزا طريقة اما انك تضربيها فى الخلاط وتسيبيها تتسبك شوية على النار وتشيليها فى اكياس الكيس على اد الطبخة
او
انك تقطيعها اربع تربع وتشيليها بردو على اد الطبخة فى كيس فى الفريزر
او
انك تشيليها صحيحه

احسن طريقة انك تسبكيها شوية علشان متخدش منك مكان فى الفريزر

كمان اعملى شوية تسبيكة محشى وشيليها فى الفريزر اى وقت عايزة تعملي محشى هتلاقى الموضوع شهل اوى

واياكي تضربيها فى الفريزر وتشيليها عصير كدا لما تتلعيها هتخس جاااااااااااااااامد ويبقى كدى بتهدر



الثوم ::

زى الايام اللى احنا فيها دي التوم رخيص بـ 1.5 هاتى اللى يكفيكي السنة كلها ووقشرية وافرمية وحطية فى اكياس مع ملح وفى الفريزر مش هيبوز ابدااااااااااااا واى وقت تتلعي علشان تاخدى منة هتلاقية تري مش متجمد لان الملح بيحفظة من التجميد وهيوفرلك فى الوقت والمجهود


ورق العنب ::

دلوقتى هو شادد حيلة لما يرخص يوصل لـ 4 او 5 جنية كدا هاتى بردو واغسلية كويس وهو مبلول رصية فوق بعضة وحطية فى كيس وعلى الفريزر وقت ما تحبى تعملي منة تلعية وسيبية يفك واحشية من غير ما تسلقية ولا اى حاجة وبالهنا والشفا



الكرنب ::

بردة هاتية واسلقية نص سلقة وكيسية وعلى الفريزر




البتنجان الابيض :::

هاتية واورية واغسلية وشوحية فى شو ية سمنة وعلى الفريزر وقت ما تحبي تحشية تلعية وهو متجمد احشية على طول وعلى الحلة



القرنبيط ::

هاتية اغسلية وقطعية وشيلية من غير سلق ولا اى حاجة تلعية سيبية يفك وحمرية على طووول وبالهنا والشفا



الخضرة ::

هاتيها واغسلها وشيليها فى الفريزر ووتلعي منها للاكل بس مش للسلطة متنفعش للسلطة
وتلعيها حطيها فى الاكل على طول متسيبيهاش تفك



الفلفل الاخضر الحراق او الاحمر ::

الاخضر لو بتحبي تحطية فى الاكل لما يرخص هاتى منة واغسلية وشيلية فى الفريزر ووقت ما تحبى تطبخي وتحطى منة وهو مجمد قطعيه وحطي فى الحلة على طول

والاحمر لو بتحبية للتتبيل هاتية وافرمية وحطى علية ملح وشيلية فى الفريزر خدى منة تبلي بية مش هيحتاج يفك ولا حاجة لاننا حاطين فية ملح


القشطة او وش اللبن ::

انا كل لما اغلي اللبن اشيل وشة فى الفريزر ولما اجمع حبة كدا او اجيب سمنة واحب اسيحها احط معاها القشطة بتعملي سمنة فلو مش بتاكلو القشطة شيليها وحوشيها واعملي منها سمنة


الفاكهه ::


زى الجوافة مثلا هاتيها وقطعيها اربع تربع بلاش تشيليها عصير بحس لونها بيسود وبيتغير

الفراولة بردو شيليها مقطعه بلاش تضربيها لانها بعد كدا بتخس لما تفك

المانجا شيليها حطط يعنى قطعيها وشيليها حطط مركزة يعني

وكل الفاكه قطعيها وشيليها من غير ماية ولما تحبى تعمليها تلعيها وحطى عليها سكر وسيبيها شوية واضربيها كانك لسة جيباها وبالهنا والشفا



اللحوم بقى ::



اللحمة غليت ازاى نوفر فيها والمرض اللى منتشر دا كمان

هاتى مثلا مفروم جملي وهاتى اللحمة الجملي حلوة ونضيفة ومش غالية اوى



الفراخ ::



اوقات تغلى واوقات ترخص انا بقى بستناها اول لما ترخص بنزل اجيب واشيل ولما تغلى مش بجيب بيكون عندي وشغالة من الى عندي البانية هاتية واغسلية وتبلية وشيلية



الاسماك ::



طبعا ملهاش روح للفريزر طعمها بيغير بسرعه فمش بحب اخزنها

ومش شرط كل يوم لحمة وفراخ وسمك

واى فرخ او لحمة تتبقى مش برمي بشيلها فى الفريز اعملها نجرسكو او كانيلوني المهم اننا مش نرمي اى اكل كلة بينفع

واتفقنا اننا بنعمل اكل ليومين يعني ممكن النهاردة اعمل لحمة او فراخ وبكرة كمان يكون فايض واليوم التالت اعمل مسقعه او كشري او عدس فى الشتا مثلا اى اكلة مش مكلفة كدا في وسط الاسبوع



خلاص اتفقنا ازاى نقدر نوفر ونشيل لليوم الصعب يعنى الحمد لله لو جيت يو ومصروف البيت قصر بفتح الفريزر واشتغل منة فمش بحس بالزنقة ولا بحسس جوزي بيها الحمد لله



ولزوم التوفير بقى والتدبير هنجيب حصالة اى حصالة

وكل يوم مثلا هشيل فيها مثلا جنية اتنين تلاتة على اد مقدر واعتبرهم مش موجودين

واجي اخر الشهر افتح الحصالة واشوف شيلت فيها كم واللى بيكون فيها بيكون ليا وطبعا انا قايلة لجوزى الكلام دا لان لما بيجي من شغلة باخد منة كم جنية فكة كدا وهو عارف انى لو اتزنقت فى البيت بتلع من الحصالة



وكلة بيعدي و الحمد لله رب العالمين

بالنسبة للمطبخ او افتكرت اى حاجة هرجع اقولكو وهقلوكو على اكلات نقدر نعملها توفرلنا فى المصروف ونشتغل من الفريزر بس من غير ما نكلف نفسنا




ازاى بقى نوفر فى مساحيق الغسيل وبقت غالية ومولعه

بصى بقى هنجيب مثلا اى نوع مسحوق مثلا الـ 3 كيلو هنحط علية كيلو او كيلو نص مسحوق عادي اى نوع تختارية متخفيش الغسالة مش هيجرالها حاجة والمسحوق هيكتر ويقعد معاكي اكتر وهيخلي غسيلك زى الفل وريحتة بتبقى جمييييييييييييلة

كمان دوري جنبك على صبانة بتبيع ارخص من اى مكان

يعنى انا جنبي صبانة كل اول شهر بتعمل عروض بشتري منها الصابون السايل البيريل بـ 2.5 واخد علية لتر كمان هدية والديتول والكلور وحاجات كتيييييييييييييير عليها عروض طبعا مساعدنى انى اوفر ااااااااااااااااوى


والاول كنت ديما بمسح بالجنرال لكن دلوقتى بمسح باللى بيلمع احسن من الجنرال

الديتول على الكلور بمسح بية الشقة بيخليها زيييييييي الفل والسيراميك بيلمع كدا وريحة الديتول فى كل مكان

وبردو بيوفرلي اكتر بكتيييييييييييير من الجنرال وبستخدمة كمان فى الحمام بيخلي ريحة الحمام نضيفة

تخلى منة ازازة صغيرة كدا ديتول على كلور على شوية اريل فى الحمام ويوم اة ويوم لا تدلقى منة شوية فى التواليت وادعكية وشوية للحوض ولمى الباقى بالخيشة من الارض هتلاقى حمامك ديما زى الفل وبيلمع وريحتة حلوة

وكنت قريت لاخت هنا لينا انها جابت علبة صغيرة على الاد السيفون وحطت فيها جيل منظف وخرمتها اخرام صغيرة وبقت معطر للتواليت


بالنسبة لبوتاجاز وحوالية

ايدك ديما خليها فى البوتاجاز خلصتى اكل من هنا وانتى لسة فى المطبخ لمعى اللى وقع منك وانتى بتطخي اول باول مش هتلاقى بقعه صعبة ولا حاجة هتضايقك والبوتاجاز ديما يبقى زى الفل

فى ورق بيتباع فى السوق عندي زى ورق الهدايا كدا بترشى مية على الحيطة وتلزقية على الحيطة اللى جانب البوتاجاز وكل كم اسبوع غيرية ومش غالى الفرخين كانو بـ 75 قرش

وهتريحي نفسك من دعك السيراميك

بكدة خلصت لكن لو افكرت اى حاجة تانية هاجي اقولوكو

ولينا لقاء تانى مع اكلات بتوفر فى الوقت والمجهود والفلوس

وكمان هنعمل اكلات من الباقى فى مطبخنا


بالله عليكو لو استفدتو تدعولي بالذرية الصالحة عاجلا




"منقول"
الرجوع الى أعلى الصفحة اذهب الى الأسفل
أميرة
صبية نشيطة
avatar

رقم العضوية : 35
الدولة :
البلد : مدينة نصر..القاهرة
عدد المساهمات : 731
تاريخ التسجيل : 26/09/2012
العمر : 27
المزاج : مبسووووووووطة

مُساهمةموضوع: رد: بداية زواجك...لازم نحط مبادئ وخطة حلوة كدة لينا..صح؟ ادخلى هنا وشاركينى برأيك   الإثنين أكتوبر 29, 2012 5:38 pm

شكرآ لكى عزيزتى
الرجوع الى أعلى الصفحة اذهب الى الأسفل
عبير الزهور
نائبة المديرة
نائبة المديرة
avatar

رقم العضوية : 2
الدولة :
البلد : فى رحاب جنة الرحمن
عدد المساهمات : 8799
تاريخ التسجيل : 05/07/2012
العمر : 27
المزاج : منتظرة ولى العهد

مُساهمةموضوع: رد: بداية زواجك...لازم نحط مبادئ وخطة حلوة كدة لينا..صح؟ ادخلى هنا وشاركينى برأيك   السبت نوفمبر 03, 2012 4:31 pm

نورتينى حبيبت قلبى

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــ
الرجوع الى أعلى الصفحة اذهب الى الأسفل
 
بداية زواجك...لازم نحط مبادئ وخطة حلوة كدة لينا..صح؟ ادخلى هنا وشاركينى برأيك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى عالم أحلى صبايا :: الأقسام الرئيسية للمنتدى :: عالم المرأة :: المخطوبات و المقبلين على الزواج-
انتقل الى: